sunne-schatte-spill

 - gedicht im johrmarker dialekt -

morjets frieh

hot ’s woonersch-haus

sei schatte

uf ’s kersche-haus geworf

mittachs

hun sunn un schatte

sich iwrem dorf

zum stelldichein getroff

namittachs

hot ’s kersche-haus

sei schatte

uf ’s woonersch-haus geworf

des spill hot sich immer widerholl

bevor un nohdem de kersche niklos

es woonersch bawi

zur fraa hot gholl

die zwaa hun längst

es dorf verloss

sunn un schatte awwer

spille immer noch

norr die heiser

troon heit

statt kersche und woonersch

die nome vun annre leit

aah die mensche

wu jetz dort lewe

breiche sunn un schatte

zum existeere

[uf der schanz, 2000]

berns toni

aus BANATER POST, München, 20. März 2001