Der Mann newrem Major

 - Gedicht im Johrmarker Dialekt -

De Hans hot sich gsaat vor ‘me Johr, 

e Dacia muß in de Hof.

Es is net vill Zeit vergang

un vor ’m Haus uf der Brick

hot e neies Auto gstann,

em Hans sei greeßtes Glick.

Alles war jetz scheen un gut,

es Wedder aah perfekt,

Lust zum fahre grad genuch,

gfehlt hot norr ‘s Carnet.

Des hot sei Nochber ghat,

e rumänischer Major.

Sofort hun alle zwaa wolle

die Landstroß unner

die Rädder holle:

fufzich, achzich, hunnert.

E Miliz hot se gstoppt:

„Es tut mir leid, Genosse Major,

Ihre Geschwindigkeit war zu hoch!“

„Loss dei Radar mol repreere“,

fangt de Hans mim Miliz e Gspräch on.

„Sie wollen mich belehren?!

Zeigen Sie mal Ihren Ausweis vor!“

„Was? Waaßt du, mit wemm du reddst?

Siehst du net, daß mich e Major schoffeert?“

Der jung Militz werd feierrot

un saluteert.

Des muß e Minister sin,

der Mann newrem Major.

[Johrmark, 1981]

Berns Toni

aus ADZ / BANATER ZEITUNG / PIPATSCH, 

Temeswar, 13. Oktober 1999