Schwoweinderwiu

De Tscharta Phitt vun Johrmark ment, der "Pipatsch" tät - als "Weltblatt", for des wu se sich selwer ausgebt - noch was arich Wichtiches fehle: Die "Inderwius" nämlich, die wu mer doch in jeder ordentlichi Zeitung fine kann. Un darum hat er ens gmacht, mit seim Nochber, em Vetter Niklos.

Do is es:

Tscharta Phitt: Gun Tach, Vetter Niklos. Wann Dr nix dergeje hat, noh mecht ich Eich bitte, mr uf a paar Froche Antwort zu gewe.

Vetter Niklos: Naa, dergeje han ich nix un es freit mich sogar. Es is doch an de Zeit, dass in aam anständiche "Weltblatt" aa a Inderwiu mit aam anständiche Schwob abgedruckt gebt. 

Tscharta Phitt: Eier Maanung iwer die "Pipatsch"?

Vetter Niklos: Hoffentlich gebts aa des Johr a guti Fechsung.

Tscharta Phitt: Wie stehts mit de CFR-Fotballmannschaft?

Vetter Niklos: Wie Matthäi am Letschte; bei deni ware die Aue aa greeßer wie de Phanz, wie se in die "A" han wolle.

Tscharta Phitt: Was siet Dr als greeschtes kummendes Ereignis in de nächschte Johre vor?

Vetter Niklos: Den Tach, an dem wu de ersti Schwob em Michl im Mond die "Pipatsch" iwerreicht, als Freind un Landsmann.

Tscharta Phitt: Welles is Eier Maanung noh de greeßte Weltrekord aus alle Zeite?

Vetter Niklos: Ich maans Deitschi Staatstheater is grad derbei, ne ufzustellee: die spiele mehr Sticker in aam Johr wie se Zuschauer han.

Tscharta Phitt: Wie stehts mit de Modi? Wie gfallts Eich besser: Maxi oder Mini?

Vetter Niklos: Wies grad kummt; mir Schwowe gsiehn halt immer geere Maxibrotworscht un han immer was geger Minitrinkgläser. Awer die Hauptsach is, die Mäd sin scheen; de Rest klärt sich. (Um em Stefan Franz recht zu gewe.)

Tscharta Phitt: Was find Ihr als des Schenschti in unsrem Johrmark?

Vetter Niklos: Dass es in de "großi Theatergrupp" noch ke "Musikantestreit" gebt.

Tscharta Phitt:  Dankscheen, Vetter Niklos, un mit de nächschti Glegnheit wer ich Eich nochmol ufsuche.

Vetter Niklos: Adje - un a scheene Gruß an alli "Pipatsch"-Leser.

aus NEUE BANATER ZEITUNG/Pipatsch, Temeswar, 20. Juni 1971