Dene schwarze Männer do un ihrem Schreiwer
(in weiß) han mirs aach zu verdanke, dass die Buwe am Sunntach in Johrmark hart
gspielt, awer net geraaft han. Natierlich hats aach desmolrum paar Drucker
gen, die wu net grad zufriede ware, awer wu uf dere Welt sin alli Zuschauer mitm
Richter zufriede? Sicher nirgens! Mir vun de Pipatsch-Redaktion bedanke uns uf
jede Fall bei dene Pheifemänner un rote ehne: pheift halt uf alli Drucker, die
wu nor staliere kenne un immer pheife!
So wie uf dem Bild do, des wu mei
Kulleger, de Wittmann Dazi, abghol hat, han die
Strandmusikante - in Johrmark werd nämlich uf eem scheene
Strand Handballa gspielt - beim sexte Pipatsch-Pokal um e Zeit ausgschaut.
Schuld dran war awer nor die heißi Sunn uns kalti Bier.
Wie mir vun de
Pipatsch-Redaktion dem jungi Mann do e große holzene Kambl gschenkt han, weil er
de Handballer mit de längschti Frisur war, soll angeblich jemand gebrummt han:
"Ich men, den han se erscht vum Kreiz runerghol!"
'm B. s. N.
aus NEUE BANATER ZEITUNG /
PIPATSCH, Temeswar,
2. September 1979
Keine Kommentare:
Kommentar veröffentlichen