Achte Lagebericht

Die großi „Pipatsch“-Kür: Welches is die beliebteschti Musichkapell im ganze Banat?

Bal 4.000 Kupons in eener Wuch / 1.250 sin am Mittwuch ingetroff

Wie Ihr aso gsieht, han mir desmolrum mit dere Kür gnuch zu tun (un noch meh zu sortiere un zu zähle) ghat. Un wann ich jetz noch schreib, dass am 7.VII. genau 777 Kupons in der Redakzion ankumm sin, noh wird des niemand glaawe. Awer ’s is die reini Wohrheit, wer will, kann im Register nohschaue. Un jetz soll noch jemand behaupte, dass die 7 ke Glickszahl is!

Awer net nor Kupons sin vieli ankumm, aach Briefe. Un in dene schreiwe die Leit ganz verschiedene Ansichte, so dass, wie immer mir es mache, Unzufriedeni were immer sin …

Aso, liewer Titsch Josef aus Wiesnhaid. Ihr hat Eich umesunscht Sorche gemach weger dem Kuwert mit deni Kupons, des wu Ihr angewlich ohni Markn ins Postkistche ningeworf hat. De Brief un die Kupons sin noch am selwe Tach bei uns ankumm un … e Markn vun 55 Bani war drufgepickt! So dass mir net de doppelti Tarif han zahle misse. Inzwische hat Ihr awer e anre Brief mit zwei 55-Bani-Markn ingschickt, un do fangt ’s Problem an: Wie schicke mir Eich die Markn (oder 1 Lei un 10 Bani?!) zurück???

„Net nohlosse!“, ruft de Vetter Winter Kurt (Temeschwar) die Schwowe vun iwerall uf, „un fleißich inschicke! Denn was net is, kann noch were!“

Welchi Musichkapell daß gwinne werd, des weeß noch niemand, liewer Weinhard Franzi (Busiasch). Eens is awer sicher: Gwinne werd die Musich im allgemeine!

’S Schinka Renate (Bakowa) losse mir wisse, daß im Regulament genau gsaat is, bis wann mer Kupons inschicke kann. Wannscht die Zeitung net meh hascht, so saan mir ’s  nochmol: Bis am 5. August 1981 (Poststempel)!

Gutes Wetter winscht sich (un mir aach) de Altmayer Alfred (Temeschwar), de wu bal mit seiner Motter un seim Bruder noh Felix fahrt. Wanscht dich mit deim Bruder net eeniche kannscht, welches daß die beschti Kapell is, noh kann jeder uf sei Liebling stimme. Teelt die Kupons scheen fifti-fifti!

Giltich sin die Kupons, die wu Ihr ingschickt hat: Familje Schummer (Deitschstamora), Finser Roswitha (Neidorf) un e gewisses Inge aus Johrmark. Ihr kennt aso alli beruhicht sin. ’m Franzen Heinz (Gertjanosch) sei zwei Kupons han mir awer annuliere misse. Ihr hat alles uf die Kart gschrieb, nor net, für welchi Kapell Ihr stimme tut. Vielleicht werd Ihr des in eem Brief schreiwe.

Mir han nohgschaut, liewer Flickinger Walter (Freidorf), Eier Lieblingskapell hat bis gischter 159 Stimme kriet, 86 dervun in dere Wuch.

Vergaloppiert han ich mich wirklich, weil noh der 6. Runde han die Blumetaler 1287 un net 1088 Stimme ghat. De Simpl Mischko bitt um Verzeihung un versprecht, er werd sich Auegläser kaafe, liewi Thill Anny (Neipetsch). ʼS staunt mich awer nor, daß die Blumetaler bis jetz net reklamiert han …

Beruhiche meecht ich awer alli, die wu in ihre Briefe frooe tun, ob ihre Kupons ankumm sin; Bomancz Renate (Neiarad), Schain Anna (Temeschwar), Weldi Hildegard (Kowatschi), Gerlach Ramona (Semiklosch), Barth Elfriede (Blumetal), Marx Niklos (Temeschwar), Glassen Nikolaus (Lowrin) un Tirjer Josef (Fratelia), dem wu mir aach fors scheeni Bild vun seiner Kapell Dankscheen saan.

Danke wolle mir aach dene anri, die wu Kupons for neiji Kapelle ingschickt han (Darowa, Saderlach un Engelsbrunn). Bissl spot seid Ihr drufkumm, dass aach bei Eich im Dorf Musichkapelle existiere! Zack un pack mache jetz bei der Kür 36 Musichformazione mit.

Briefe kriet han mir die Wuch außerdem noch vun: Müller Niklos (Darowa) – Ihr kennt uf Eier Nome soviel Kupons inschicke, wie Ihr nor zammraffe kennt -, Loris Kathi (Johrmark), Löchinger Erich (Nitzkydorf), Rückert Armin (Gudebrunn) – mir gratuliere deim Professer Altenbach Reinhard, daß er so guti un bravi Schiler hat! -, Graul Susanna, Keller Helli un Helmut (Freidorf), Mathis  Melita (Johrmark), Liegl Christoph (Altsadowa), Werth Steffy (Tschakowa), Bedö Gerlinde un Gabrielle (Temeschwar), Mayer Sepp (Großjetscha) un Heim Ferdinand (Temeschwar).

For e Fehler halt de Klein Arnold (Lenauheim) die Sach, daß mir ʼs Klassament abgedruckt han. Net nor Ihr ment des, ʼs sin noch 2-3 Mitmacher, die wu dergeje sin. Awer die meischti Leit han ʼs Klassament ausdricklich gfordert, un: Die Mehrheit derf bestimme!

Un jetz zum Schluß noch ʼKlassament vun die zwelf Kapelle, die wu noh der 8. Runde fiehre:

1.	Matthias Loris, Johrmark	2416
2.	Rudi Hellner, Blumetal	2191
3.	Anni Hann, Temeschwar	2189
4.	Peter Zimmermann, Nitzkydorf	1283
5.	Hans Kaszner, Johrmark	740
6.	Peter Pohl, Neipetsch	482
7.	Hans Maly, Temeschwar	434
8.	Hans Griffaton, Großjetscha	427
9.	Herbert Lindner, Bakowa	342
10.	Josef Bleiwerk, Wetschehaus	293
11.	Werner Maurer, Freidorf	159
12.	Hans Klug, Detta	77

Adje saat alli un Xundheit winscht Eich

de Simpl Mischko

aus NEUE BANATER ZEITUNG / PIPATSCH, 
Temeswar 11. Juli 1981

Bitterkeit verhindert Befriedung Europas

Zum Leitartikel „Der Zorn, der isoliert“ vom 14. Dezember:

Immer wieder führen überholte Standpunkte einzelner Landsmannschaftsfunktionäre bezüglich der aktuellen Aussöhnungspolitik der Bundesregierung mit Tschechien in den deutschen Medien zu einer Kollektivschelte aller Vertriebenen. Viele Journalisten übersehen bewusst oder aus Unwissenheit, daß dem Bund der Vertriebenen (BdV) sage und schreibe 20 Landsmannschaften angehören – nicht nur die Sudetendeutsche LM -, die Vertriebene, Flüchtlinge des Zweiten Weltkrieges und Aussiedler aus aller Herren Länder Ost- und Südosteuropas vertreten.

Viele Funktionäre dieser Landsmannschaften pflegen konstruktive Kontakte zu den Regierungen ihrer Herkunftsländer, die durchaus im Sinne deutscher Außenpolitik als Brücken zu den Staaten des ehemaligen Ostblocks verstanden werden können. Obwohl zum Beispiel die Deutschen in Rumänien kurz nach dem Krieg deportiert, enteignet und später vom Ceaușescu-Regime als Devisenquelle mißbraucht wurden, überwanden die Vorstände der rumäniendeutschen Landsmannschaften ihre Abneigung gegen den immerhin kommunistisch gefärbten Ex-Präsidenten Rumäniens, Ion Iliescu, und verhandelten mit ihm in München im Sommer dieses Jahres. Dafür haben sie bestimmt nicht von allen ihren Landsleuten nur Lob erhalten.

Diese Männer sind aber der Meinung, daß man geschehenes Unrecht zwar nie vergessen, aber auch nicht als Quelle ewiger Verbitterung verinnerlichen soll. Nur mit dieser Einstellung wird eine endgültige geistige Befriedung Europas gelingen.

Anton Potche

aus DONAUKURIER, Ingolstadt, 
20. Dezember 1996

Johrmarker Sprich un Sprichelcher - 119

Do heert sich doch alles uf.

☻     ۩     ☺

Gsammelt vum Frombach Franz alias Gerwer Franz  (1929 - 1999)

Siewete Lagebericht

Die großi „Pipatsch“-Kür: Welches is die beliebteschti Musichkapell im ganze Banat?

De Mittwuch war de schwerschti Tach: 649 Kupons for 15 Musichkapelle han mir dann kriet.

„Ich hätt e großi Bitt“, fangt de Gutti Raimund (Blumetal) sei Brief an. „Wie mei Landsleit un ich des Klassament gsiehn han, han mir glei ausgerechnt, ob des aach stimme tut. Nor daß bei uns meh Stimme rauskumm sin, wie Ihr vereffentlicht hat. Mir meechte Eich bitte, so gut sin un die Stimme nohzähle!“ Mir han die Kupons alli nochmol gezählt, de Menning Helmut un de Frauendorfer Helmuth han ’m Simpl Mischko gholf. Un noh dreimol zähle sin immer un genau 1088 Stimme rauskumm, genau so viel, wie mir abgedruckt han. Wann Ihr e anri Evidenz hat, so bedeit des noch lang net, dass die Rechnunge net stimme täte, weil vielleicht ware noch Kuwerts mit Kupons ufm Wech, die Wuch han mir wieder e Massa kriet. Un wann een Kuwert irgendwu bei der Post leije geblieb is, so werds schun bis zu dere 10. Runde ankumme.

E ganz großes „Dankscheen“ saan ’s Bedö Gerlinde un ’s Gabrielle (Temeschwar) ’m Vetter Raber Franz vun Freidorf for die 31 Kupons, die wu er ins Postkastl ningstoch hat. Die zwei Mädche wäre froh, wann de Vetter Raber mol am Nohmittach voriwer kumme tät, for daß ihre Vater ehm e Raki inschenke kann.

Gschrieb hot uns aach ’s Salm Annchen, a Saxin, die wu awer seit eem Johr in Temeschwar verheirat is. ’s gfreit uns, daß Ihr dorch Eier Mann die schwowischi Blechmusich kenneglernt hat un daß sie Eich gfalle tut. Daß Ihr hochdeitsch un net schwowisch schreiwe tut, hat nix zu saan, die Pipatsch-Redakteere kenne aach deitsch.

Liewer Klein Arnold (Lenauheim)! ’s tut uns leed, dass bei Eich so wenich Zeitunge sin, awer zwei Kupons, sin aach etwas, un im Ernschtfall kenne zwei Punkte e ganzes Klassament umwerfe, grad so wie beim Fotball. Schaut nor ’s heitichi Klassament an, wie die sich an der Spitz dränge tun.

„Jede Sunntach geht mei Motter um Millich un dann muß sie mehreri NBZ kaafe, so sammle mir die Kupons“, schreibt de Altmayer Alfred (Temeschburg). Dei Brief is ganz korrekt gschrieb, brauchscht Dir ke Sorche mache. Mir winsche Dir – un alli Lenauschiler – guti Ferien.

Aus Oltenien han mir e schwowische Brief vum Burger Detlev (Lowrin) kriet, de wu seit sex Monat dort is. Scheen, daß Dei Leit jedi Wuch die Zeitunge schicke, for dass Du an der Kür mitmache kannscht. Die Weltsproch kann mer net verlerne, des hascht richtich kunschtatiert.

„Ich hoff“, schreibt de Ungar Alfred (Lugosch), „daß mer die Gwinner vun de Kür aach in Lugosch gsiehn un heere were.“ Des kenne mir jetz noch net saan, awer vielleicht losst sich was aranschiere. Eier Lieblings-Musichbanda wird bestimmt froh sin, wann se do lest, dass Eier Freinde – Schibetz Niklos, Binder Franz, Biegelsteiber Matz un Bălu Valeriu - Eich helfe, Kupons for sie sammle.

Die Schuchschachtel han ich schun gekrechtelt, liewer Funk Ottmar (Hatzfeld). Jetz wart ich uf die Kupons. Ihr droht, daß Ihr arich vieli inschicke werd, awer die Wuch han ich nor 1 (eene!) vun Eich kriet.

Scheeni Briefe han mir noch kriet vum Kühn Hella (Temeschwar), Bosch Michl (Großjetscha), Weber Theresia (Billed), Bittner Margareta (Temeschwar), Lach Mischko (Orzidorf), Kronenberger Maria (Busiasch), Marx Herbert (Reschitz) un ’m Wagner Marliese (Temeschwar). Mir danke Eich alli for die Kupons, ’s tut gar nix, wann vieli uf eemol in eem Kuvert drin sin. Umso besser!

Zum Abschluss vun dem Lagebericht noch e Klassament (bis am Dunnerschtach) vun die zehn Musichkapelle, die wu die meischte Stimme kriet han:

1.	Rudi Hellner, Blumetal	1515
2.	Matthias Loris, Johrmark	1510
3.	Anni Hann, Temeschwar	1366
4.	Peter Zimmermann, Nitzkydorf	930
5.	Hans Kaszner, Johrmark	683
6.	Herbert Lindner, Bakowa	342
7.	Hans Griffaton, Großjetscha	213
8.	Josef Bleiwerk, Wetschehaus	209
9.	Peter Pohl, Neipetsch	193
10.	Hans Maly, Temeschwar	89

’s saat Eich alli Adje,

                                            de Simpl Mischko

aus NEUE BANATER ZEITUNG / PIPATSCH, Temeswar 4. Juli 1981