Donnerstag, 27. März 2014

es chriskindche kummt

horch
wer kloppt
do an die teer
es chriskindche
kummt aus'm schnee
sei hänn ziddre vor kält
wu hot's norr sei gschenk
mei fraa halt'm plätzjer vor
de gliehwein is heiß un rot
es chriskindche sitzt im licht
un verzählt uns sei gschicht
es war i'me land im weide osten
dort bleiwe die bliee in de knospe
die kinn laafe bloßfießich rum
die singveel sterwe stumm
uf'm kerzlicht gfreert die flamm
mei fraa un ich kenne des land
unser kinn horche sin meisjestill
no gehn se langsam zum chrisboom hin
un gewwe ehre gschenker em chriskindche
dorch's fenster schaue die englcher
ganz langsam schließt sich die teer
es chriskindche sucht sei spur im schnee

potche toni

aus BANATER POST, München, 10. Dezember 1992

Keine Kommentare:

Kommentar veröffentlichen